"Barselona"ga Marko Asensio yoqadi, ammo klub futbolchini o‘z safiga qo‘shib ololmaydi.

Oldinroq "Real"ning hujumkor yarim himoyachisi erkin agent sifatida klubni tark etishga qaror qilgani ma’lum bo‘lgandi.

Mundo Deportivo xabariga ko‘ra, "Barselona" rahbariyati va bosh murabbiyi Xaviga Asensio yoqadi, u klubga 100 foiz mos keladigan futbolchi sanaladi. "Blaugrana" Marko klubga Yevropa musobaqalarida raqobatni kuchaytirish uchun zarur bo‘lgan sifatli transfer bo‘lishiga ishonchi komil.

Biroq, "Barselona" "Real" bilan ziddiyatlardan qochishni afzal ko‘radi. Kataloniyaliklarning fikricha, madridliklar Markoning raqobatchilarga o‘tishini haqorat deb bilishlari va bunga javoban "blaugrana"ning muhim o‘yinchilaridan birini qo‘lga kiritishga harakat qilishlari mumkin.

Bundan tashqari, "Barsa" agar Asensio bilan shartnoma tuzib, Lionel Messi qaytsa, klubda yarim himoyachilar juda ko‘payib ketishini tushunadi.

Bu omillar klubning Markoning transferini rad etishiga ta’sir qilgan.