Maurisio Pochettino "Chelsi"ning yangi bosh murabbiyi bo‘lgani haqida xabar bergan edik.
Dushanba kuni argentinalik mutaxassis bir yilga uzaytirish varianti bilan ikki yillik shartnoma imzolagani ma’lum bo‘ldi. "Chelsi" sayti sahifalarida Todd Boelining qo‘shma bayonoti e’lon qilindi.
"Sport jamoasi mashaqqatli va puxta o‘ylangan jarayonni amalga oshirdi, bu bilan kengash faxrlanadi.
Maurisioning “Chelsi”ga o‘tishidan xursandmiz. Bu ajoyib tajribaga ega bo‘lgan jahon darajasidagi murabbiy. Hammamiz uning ishni tezroq boshlashini intiqlik bilan kutamiz", — deyiladi bayonotda.
Eslatib o‘tamiz, "Chelsi" keyingi mavsumda yevrokuboklarda o‘ynamaydi. Yakunlangan chempionatda londonliklar bor-yo‘g‘i 12-o‘rinni egalladi.
