Huquqlari "Nyukasl"ga tegishli bo‘lgan braziliyalik yarim himoyachi Bruno Gimaraes boshqa ingliz klubi manfaatlari doirasida bo‘lib turibdi. Goal.com jurnalistlarining yozishicha, yarim himoyachi bilan "Liverpul" shartnoma imzolamoqchi.
Mersisaydliklar rahbariyati Gimaraesning transferi bo‘yicha muzokaralarga kirishdi. Potensial transfer narxi 100 million yevroga baholanmoqda.
Gimaraes o‘tgan mavsumda 32 ta o‘yinda maydonga tushib, 4 ta gol va 5 ta golli uzatmaga mualliflik qilgan. Shuningdek, u yettita sariq kartochka oldi.
Brunoning "qarg‘alar" bilan shartnomasi 2026 yilning o‘rtalariga qadar tuzilgan.