Yarim himoyachi Artur Meloning agenti mijozining kelajagi haqida gapirdi.
Braziliyalik futbolchi joriy mavsumni "Liverpul"da ijara asosida o‘tkazdi, biroq "qizillar"ning asosiy tarkibida maydonda bor-yo‘g‘i 13 daqiqa o‘tkazdi - futbolchi ko‘p vaqtini jarohatini davolashga sarfladi. "Liverpul" allaqachon 26 yoshli yarim himoyachini sotib olmasligini tasdiqlagan. U yozda “Yuventus”ga qaytadi.
"Liverpul" allaqachon e’lon qilganidek, Artur Turinga qaytadi, ammo biz unga yangi klub izlashimiz kerak shekilli, chunki u Massimiliano Allegrining taktik tarkibiga mos kelmaydi. Biz yechim topish uchun ishlashimiz kerak", - deya agent Federiko Pastorelloning so‘zlaridan iqtibos keltiradi Sky Sport.
Artur Meloning "Yuventus" bilan shartnomasi 2025 yilgacha mo‘ljallangan.