UYEFA Chempionlar ligasi final uchrashuvida polshalik hakam Shimon Marchinyak ishlashini tasdiqladi.
Oldinroq finalda hakamlar brigadasi o‘zgarishi mumkinligi haqida ma’lumot berilgan edi. Gap shundaki, Marchinyak Polsha millatchilar partiyasining tadbiriga tashrif buyurgan. Ushbu partiya tomonidan ilgari surilgan qadriyatlar UYEFAda qabul qilinishi mumkin emas deb hisoblanadi.
UYEFAning xabar berishicha, Marchinyak vaziyatni tushuntirib, kechirim so‘ragan. Shu sababli, polshalik hakam YECHL finalini boshqaradi.
Chempionlar ligasi finali 10 iyun, shanba kuni Istanbulda bo‘lib o‘tadi. Kubok uchun Angliyaning “Manchester Siti” va Italiyaning “Inter” jamoalari maydonga tushadi.