«Manchester Siti» hujumchisi Erling Xoland "Inter"ga qarshi o‘yin oldidan jurnalistlarning savollariga javob berib, so‘nggi paytlarda kam gol urayotganining sababini aytib o‘tdi.

«So‘nggi paytlarda kam gol uryapman? Siz so‘nggi yettita o‘yinda bitta gol urganim haqida ham yoki 52 o‘yinda 52 gol va 8 assist qayd etganim haqida ham o‘ylayotgan bo‘lishingiz mumkin. Istagangizcha o‘ylashingiz mumkin. Bu meni qiziqtirmaydi. Hozir o‘zimni yaxshi his etyapman.

B’azida o‘ylab qolaman, insonlar seni tanqid qila boshlagani yaxshi bo‘lsa kerak. Men deyarli har bir o‘yinda gol urdim. Bir-ikkita bahsda gol urmaganimda esa odamlar meni tanqid qilishni boshlashdi. Men bunga ahamiyat bermayman va hayotdan lazzatlanishda davom etaman.

Angliya kubogida men ikkita yaxshi vaziyatni qo‘ldan chiqardi. Ba’zida shunaqasi ham bo‘lib turadi, bunday holat kelajakda ham ro‘y berishi mumkin. Nima qilish kerak? Hech narsa. Keyingi turda gol urish kerak», – dedi Xoland.