“Benfika”ning 21 yoshli hujumchisi Gonsalu Ramush va Lissabonning “Sporting” klubining 22 yoshli yarim himoyachisi Manuel Ugarte o‘tgan mavsum yakunlari bo‘yicha Portugaliya chempionatining eng qimmat futbolchilari sifatida e’tirof etildi.
Shu tariqa, har ikki futbolchining taxminiy bahosi, transfermarkt ma’lumotlariga ko‘ra, 50 million yevroni tashkil qiladi.
Uchinchi va to‘rtinchi o‘rinlar “Benfika”ning 19 yoshli markaziy himoyachisi Antonio Silva va “Portu” darvozaboni Diogu Koshtaga nasib etdi. Portal ikkala futbolchini ham 45 million yevroga baholamoqda.
“Portu” yarim himoyachisi Otaviu eng qimmat futbolchilar beshligini yopdi – uning narxi 35 million yevroga baholanmoqda.
Eslatib o‘tamiz, "Benfika" o‘tgan mavsumda "Portu"ni 2 ochkoga ortda qoldirgan holda Portugaliya chempioniga aylangandi.
