"Buxoro" bosh murabbiyi Ulug‘bek Baqoyev Superliganing 8-turi doirasida OKMKga qarshi bo‘lib o‘tgan o‘yindan keyin o‘z fikrlari bilan o‘rtoqlashdi.

“Bugun maydonda ikki xil maqsadga ega klublar harakatlanishdi. "Navbahor" chempionlik uchun kurashayotgan bo‘lsa, bizning jamoa ligada qolish uchun harakat qilmoqda. O‘yin teng kurashlar ostida kechdi deyish mukin. "Navbahor" to‘pga egalik qilib, standart vaziyatlarga tayanib harakat qildi. Bizda ham vaziyatlar bo‘ldi, lekin foydalana olmadik. Mezbonlar esa aksincha standartdan unumli foydalanishdi. "Navbahor" jamoasiga chempionatdagi va OCHL o‘yinlariga omad tilayman. Ular yurtimiz sharafini himoya qiladi va biz ularga muxlislik qilamiz”.

— «Buxoro» futbolchilari maydonda vaqt cho‘zishdi. Shunday ko‘rsatmalar berildimi yoki o‘yinchilar chindan jarohat olishdimi?
— Ko‘rdingiz, bugun 2 nafar futbolchimizni majburiy tarzda o‘zgartirdik. Markaziy himoyachimiz va hujumchimiz jarohatlanishdi. Undan tashqari ob-havo ham o‘z ta’sirini ko‘rsatdi. Umuman olganda bunday ko‘rsatma yo‘q edi.

— Sobiq shogirdingiz Shohruz Norxonov "Navbahor"da o‘z o‘rnini topa olganicha yo‘q. O‘zini ko‘rsatishi uchun unga nima yetishmayapti?
— Bir narsa deyish qiyin, Norxonov, mening nazarimda, yuqori saviyali futbolchi, balki unga moslashish uchun vaqt kerakdir yoki qandaydir bosim bo‘lishi ham mumkin.

— O‘yinda oldin raqib jamoaga qarshi tayyorlanayotganizda ulardan nima kutgan edingiz?
— "Navbahor" jamoasida har bir pozisiyada top futbolchilari mavjud. Yuqori maqsadlarga ega. Psixologiya tomonidan ustunlik mezbonlarda edi, lekin jismonan olib qaraganda o‘yin teng kurashlar ostida bo‘lib o‘tdi. Yana bir bor mezbonlarni tabriklayman va keyingi uchrashuvlarda omad yor bo‘lsin.