"Chelsi"ga olib kelingan Maurisio Pochettino ko‘ra, u ish boshlagan klub so‘nggi o‘n besh yilda Angliyadagi eng yaxshisi ekan. Shunga qaramay, titul yutish bobida "Manchester Siti" "aristokratlar"dan baland turadi. Quyida APL klublarini so‘nggi 15 yilda nimalar qilganiga e’tibor qaratamiz.
1. "Manchester Siti" – 17 ta sovrin
Gavrdiola shogirdlari o‘tgan oyda "Inter"ni mag‘lub qilish orqali YECHL g‘olibiga aylangandi. "Shaharliklar" o‘tgan mavsumni trebl bilan yakunladi. Bu esa klubni oxirgi 15 yilda eng muvaffaqiyatli jamoalardan biriga aylantirdi. "Manchester Siti" ligada "Arsenal"ning qoqilishlaridan unumli foydalangan bo‘lsa, Angliya kubogi finalida qiyinchiliksiz "MYU"ni taslim etadi. Umumiy qilib hisoblaganda, 15 yil ichida Manchesterning moviy tomonidagilar 7 ta marta APLda, 3 marta kubokda, yana 6 marotaba liga kubogida zafar quchishdi. Shunday qilib, bu klub 15 yil ichida 17 marta titul yutishga erishdi.
2. "Chelsi" – 14 ta sovrin
2008 yildan beri "Chelsi" 14 marta sovrin yutishga erishdi. Bu jamoa vakillari uch marta Angliya chempioni, ikki bor YECHL g‘olibiga aylandi. Shuningdek, ularda 4 ta Angliya kubogi ham bor. Ularga liga kubogi, UYEFA Superkubogi, Jahon kubogi va ikkita Yevropa ligasi kubogini ham qo‘shsak, jami 14 ta bo‘ladi.
3. "MYU" – 12 ta sovrin
"Chelsi"dan sovrin yutish borasida ikkita ortda qolayotgan jamoa bu "Manchester Yunayted"dir. "Qizil iblislar" Fergyuson ketishidan avval 4 ta sovrin yutadi. Ular ichida APL, YECHL va Jahon kuboklari bor edi. Bundan tashqari mankunianliklar liga kubogi, Yevropa ligasi va Angliya kubogidagi zafarlari bilan ham maqtana oladi. Bu orqali ularning sovrinlari soni 15 yil ichida 12 taga yetdi.
4. "Liverpul" – 7 ta sovrin
Mersisaydliklarda bitta APL, bitta YECHL, jahon kubogi, UYEFA Superkubogi va Angliya kubogi bor. 2008 yildan beri bu jamoa 2 marotaba liga kubogida g‘olib bo‘ladi. Shu orqali "Liverpul" 7 ta sovrin bilan 4 o‘ringa joylashdi.
5. "Arsenal" – 4 ta sovrin
"Arsenal" ortda qolgan 15 yillik davr ichida titul yutish borasida ancha oqsadi. Arsen Venger bu jamoaga natija borasida ko‘p narsa bermay qo‘ygandi. Shu sabab to‘pchilar faqatgina Angliya kuboklari bilan cheklanishga majbur bo‘ldi. Kelayotgan mavsumda nimadir o‘zgarishi mumkin.
6. "Tottenxem" – 0 ta sovrin
Pochettinoning sobiq jamoasi hali ham nimadir yutishga intilib kelmoqda. Bu klub oxirgi marta 2008 yilda liga kubogida zafar quchadi. Shundan beri hechvaqo yo‘q. Ushbu qora an’ana Angelos Postekoglu davrida tugashi taxmin qilingan.
ISMATOV J.
