"Yuventus" markaziy himoyachisi Leonardo Bonuchchi jamoasini o‘zgartirmoqchi emas.
OAVda paydo bo‘lgan ma’lumotlarga ko‘ra, "byankonerilar" faxriysi Angliyaning "Nyukasl" klubiga o‘tishi mumkin edi.
Jurnalist Orazio Akkomandoning fikricha, Bonuchchining yozda ketish ehtimoli juda kichik, chunki futbolchi "Yuventus" bilan amaldagi shartnomasiga oxirigacha amal qilishga qaror qilgan. Eslatib o‘tamiz, kelgusi mavsum oxirida markaziy himoyachi futbolchilik faoliyatini yakunlashni rejalashtirgan.
Leonardo Bonuchchi “Yuventus” safida 502 ta o‘yin o‘tkazib, 37 ta gol urgan. Transfermarkt portali uning qiymatini 1,5 million yevroga baholamoqda.