"Ювентус" марказий ҳимоячиси Леонардо Бонуччи жамоасини ўзгартирмоқчи эмас.
ОАВда пайдо бўлган маълумотларга кўра, "бьянконерилар" фахрийси Англиянинг "Ньюкасл" клубига ўтиши мумкин эди.
Журналист Оразио Аккомандонинг фикрича, Бонуччининг ёзда кетиш эҳтимоли жуда кичик, чунки футболчи "Ювентус" билан амалдаги шартномасига охиригача амал қилишга қарор қилган. Эслатиб ўтамиз, келгуси мавсум охирида марказий ҳимоячи футболчилик фаолиятини якунлашни режалаштирган.
Леонардо Бонуччи “Ювентус” сафида 502 та ўйин ўтказиб, 37 та гол урган. Transfermarkt портали унинг қийматини 1,5 миллион еврога баҳоламоқда.
