Italiyalik mutaxassis Jennaro Gattuzoga Saudiya Arabistonida ishlash taklifi tushgani, ammo u bunday qadam tashlashga tayyor emasligi haqida avvalroq xabar bergan edik. Italiyaning ITASportPress axborot agentligi xabariga ko‘ra, Gattuzo Saudiya Arabistoni ligasining bir emas, bir nechta taklifini rad etgan, hatto mamlakat bosh vaziri ham uni Saudiya Arabistonida ishlashga ko‘ndirishga uringan.

Gattuzo barcha takliflarga “yo‘q” dedi va o‘z vatanida – Italiyada ishlashni istayotganini ochiq aytdi. Eslatib o‘tamiz, uning so‘nggi klubi Ispaniyaning "Valensiya"si bo‘lgan, ammo Gattuzo u bilan bor yo‘g‘i bir necha oy ishlagan.