"Barselona" yarim himoyachisi Frank Kessye faoliyatini "Yuventus"da davom ettiradi, deya xabar bermoqda GdS via Sport nashri.
Manbaga ko‘ra, tomonlar bir mavsum muddatga ijara shartnomasi tuzadilar va Turin klubi keyinchalik ivuarlik futbolchini 10-15 million yevroga sotib olish huquqiga ega bo‘ladi. Ammo shuni ta’kidlash joizki, futbolchining o‘zi hali "keksa sinyora" bilan shaxsiy shartlarini muhokama qilmagan.
Kessye o‘tgan yozda "Barselona" safiga tekinga kelib qo‘shilgan va 2026 yilning yoziga qadar shartnoma imzolagandi.
O‘tgan mavsumda u 43 ta o‘yinda qatnashib, 3 marta raqiblar darvozasini ishg‘ol qilgan va 3 marta jamoadoshlariga assistentlik qilgan.
