"Барселона" ярим ҳимоячиси Франк Кессье фаолиятини "Ювентус"да давом эттиради, дея хабар бермоқда GdS via Sport нашри.
Манбага кўра, томонлар бир мавсум муддатга ижара шартномаси тузадилар ва Турин клуби кейинчалик ивуарлик футболчини 10-15 миллион еврога сотиб олиш ҳуқуқига эга бўлади. Аммо шуни таъкидлаш жоизки, футболчининг ўзи ҳали "кекса синьора" билан шахсий шартларини муҳокама қилмаган.
Кессье ўтган ёзда "Барселона" сафига текинга келиб қўшилган ва 2026 йилнинг ёзига қадар шартнома имзолаганди.
Ўтган мавсумда у 43 та ўйинда қатнашиб, 3 марта рақиблар дарвозасини ишғол қилган ва 3 марта жамоадошларига ассистентлик қилган.
