"Napoli" hujumchisi Viktor Osimxen bilan shartnomasini uzaytirishga yaqin turibdi.
Klub va futbolchi maoshi oshirilishi bilan yangilangan shartnomaning deyarli barcha shartlarini kelishib oldi. 24 yoshli hujumchi "Napoli" bilan hamkorlikni davom ettirishdan mamnun, ammo tovon puli miqdori masalasi haligacha to‘liq hal etilmagan. Avvaliga, ma’lum bo‘lishicha, Aurelio de Laurentis 200 million yevro talab qilgan, bu esa futbolchi vakillariga to‘g‘ri kelmagan. Sky Sport xabariga ko‘ra, tomonlar 140-150 million yevro tovon puli borasida kelishib olishadi.
Transfermarkt portali Viktor Osimxenning narxini 120 million yevroga baholamoqda. Nigeriyalik futbolchi o‘tgan mavsumda 32 o‘yinda 26 ta gol urib, A seriyaning eng yaxshi to‘purari bo‘lgan edi.
