Ertaga "Olimpik" Superliganing 15-turi doirasida "So‘g‘diyona" jamoasini qabul qiladi. Uchrashuv "Jar" stadionida 20:00da boshlanadi.
"Olimpik" shu kungacha "bo‘rilar" bilan 3 bor to‘qnash kelgan. Superliga-2022 4-turi doirasida Jizzaxda tashkillashtirilgan uchrashuvda Otabek Jo‘raqo‘ziyev 78-daqiqada hisobni ochgan. 90+3-daqiqada esa Shohruz Norxonov muvozanatni tiklagan-1:1.
2-davra doirasida 17-turda o‘tkazilgan "Jar" stadionidagi uchrashuvda esa Po‘latxo‘ja Xoldorxonovning 75-daqiqadagi yagona goli "Olimpik" jamoasiga g‘alaba keltirgan.
Joriy mavsum 2-turida Jizzaxda tomonlar 2:2 hisobida jangovar durang qayd etishgan.
"Olimpik"ning "So‘g‘diyona"ga qarshi o‘yinlari:
Superliga-2022
4-tur, 02.04.2022
"So‘g‘diyona" - "Olimpik" 1:1
Gollar: SH.Norxonov 90+3 - O.Jo‘raqo‘ziyev 78
Superliga-2022
17-tur, 29.08.2022
"Olimpik" - "So‘g‘diyona" 1:0
Gol: P.Xoldorxonov 75
Superliga-2023
2-tur, 10.03.2023
"So‘g‘diyona" - "Olimpik" 2:2
Gollar: J.Hasanov 51, SH.YUldashev (avt.) 80 - O.Jo‘raqo‘ziyev (pen.) 9, A.Odilov (pen.) 60
Ertangi o‘yin ikkala jamoaning o‘zaro to‘rtinchi to‘qnashuvi bo‘ladi.
