Xulen Lopetegi "Vulverxempton" bosh murabbiyligidan ketdi.
Ispaniyalik mutaxassisning "Vulverxempton" bilan shartnomasi tomonlar kelishuviga ko‘ra bekor qilingan. Lopetegi bilan birga uning murabbiylar shtabi ham klubni tark etadi.
Qayd etilishicha, Lopetegining ketishiga “bo‘rilar” rahbariyati bilan ba’zi muhim masalalarda kelishmovchiliklar sabab bo‘lgan.
Lopetegi 2022 yilning noyabrida "Vulverxempton"ni qabul qilib olgandi. Uning rahbarligida klub 2022/23 yilgi mavsum yakunida Premyer-ligadagi o‘rnini saqlab qoldi va turnir jadvalida 19-o‘rindan 13-o‘ringa ko‘tarildi.
