Myunxenning "Bavariya" klubi angliyalik hujumchi Xarri Keyn transferi uchun yuz million yevrodan ko‘proq to‘laydi va u klub tarixidagi eng qimmat futbolchiga aylanadi. Shu paytgacha "Bavariya" futbolchi uchun to‘lagan maksimal summa 80 million yevroni tashkil qilgan - klub Lukas Ernandes uchun bunday pulni "Atletiko"ga to‘lagan.
Darvozabonga keladigan bo‘lsak, "Bavariya" "Chelsi" bilan xayrlashgan Kepa Arrisabalagani o‘z safida ko‘rmoqchi. U Myunxen klubiga arzonroqqa tushishi mumkin.
Eslatib o‘tamiz, Germaniya chempionati kelasi hafta boshlanadi, birinchi turda "Bavariya" "Verder" bilan o‘ynaydi.
