«Atletik» bosh murabbiyi Ernesto Valverde Karim Benzemaning «Real»dan ketishi haqida gapirdi.
O‘tgan mavsum yakunlanganidan ko‘p o‘tmay, 35 yoshli hujumchi Saudiyaning «Al-Ittihod» klubiga o‘tib, «qaymoqranglilar» safini tark etdi.
«Atletik»ning «Real» bilan uchrashuvi arafasida jurnalistlar basklik murabbiydan fransiyalik hujumchi haqida qanday fikrda ekanligini so‘rashgan: «So‘nggi paytlarda Benzemadan juda ko‘p azob chekdik. U ham xuddi Antuan Grizmann kabi «Atletik» darvozasiga tinmay gol urdi.
Endi «Real Madrid» boshqalar atrofida o‘yin quradigan paytga keldi», - dedi Valverde.
Eslatib o‘tamiz, «Atletik» va «Real Madrid» o‘rtasidagi La Liganing 1-tur uchrashuvi 12 avgust kuni bo‘lib o‘tadi.
