«Атлетик» бош мураббийи Эрнесто Вальверде Карим Бенземанинг «Реал»дан кетиши ҳақида гапирди.

Ўтган мавсум якунланганидан кўп ўтмай, 35 ёшли ҳужумчи Саудиянинг «Ал-Иттиҳод» клубига ўтиб, «қаймоқранглилар» сафини тарк этди.

«Атлетик»нинг «Реал» билан учрашуви арафасида журналистлар басклик мураббийдан франциялик ҳужумчи ҳақида қандай фикрда эканлигини сўрашган: «Сўнгги пайтларда Бенземадан жуда кўп азоб чекдик. У ҳам худди Антуан Гризманн каби «Атлетик» дарвозасига тинмай гол урди.

Энди «Реал Мадрид» бошқалар атрофида ўйин қурадиган пайтга келди», - деди Вальверде.

Эслатиб ўтамиз, «Атлетик» ва «Реал Мадрид» ўртасидаги Ла Лиганинг 1-тур учрашуви 12 август куни бўлиб ўтади.