Neymar "Al-Hilol"ga o‘tishni yakunladi. Olti yil davomida "PSJ"da o‘ynagan braziliyalik yulduz Saudiya Arabistoniga ko‘chib o‘tdi.
El Partidazo de COPE nashrining xabariga ko‘ra, Neymar "Al-Hilol" bilan muzokaralar jarayonida aql bovar qilmaydigan talablarni ilgari surgan.
Manbaga ko‘ra, Neymar talab qilgan: 25 xonali qasr, 40 ga 10 metr o‘lchamdagi basseyn, 3 ta sauna, 8 ta xodim, acai sharbati va guarana solingan muzlatgich, 9 ta mashina, shuningdek, sayohat paytidagi mehmonxonalar va restoranlarning barcha hisob-kitoblarini to‘lash.
Neymar tarixdagi eng qimmat futbolchi bo‘lib qolmoqda. 2017 yilda "PSJ" braziliyalik futbolchi uchun "Barselona"ga 222 million yevro to‘lagandi.
