“Manchester Siti” markaziy himoyachisi Emerik Lyaport faoliyatini Saudiya Arabistonida davom ettiradi.

Klublar 29 yoshli futbolchining transfer shartlarini to‘liq kelishib oldi. Relevo nashri xabariga ko‘ra, "An-Nasr" ispaniyalik futbolchi uchun 25 million funt sterling (taxminan 29 million yevro) to‘laydi.

Lyaportning o‘zi, agar kutilmagan hech narsa sodir bo‘lmasa, Saudiya klubi bilan yiliga 15 million yevro maosh bilan 2026 yilgacha shartnoma imzolaydi.

Emerik Lyaport "Manchester Siti"da 2018 yildan buyon o‘ynab kelmoqda. Markaziy himoyachi “shaharliklar” safida barcha musobaqalarda 180 ta o‘yin o‘tkazib, 12 ta gol va 4 ta golli uzatmani amalga oshirgan.