“Манчестер Сити” марказий ҳимоячиси Эмерик Ляпорт фаолиятини Саудия Арабистонида давом эттиради.
Клублар 29 ёшли футболчининг трансфер шартларини тўлиқ келишиб олди. Relevo нашри хабарига кўра, "Ан-Наср" испаниялик футболчи учун 25 миллион фунт стерлинг (тахминан 29 миллион евро) тўлайди.
Ляпортнинг ўзи, агар кутилмаган ҳеч нарса содир бўлмаса, Саудия клуби билан йилига 15 миллион евро маош билан 2026 йилгача шартнома имзолайди.
Эмерик Ляпорт "Манчестер Сити"да 2018 йилдан буён ўйнаб келмоқда. Марказий ҳимоячи “шаҳарликлар” сафида барча мусобақаларда 180 та ўйин ўтказиб, 12 та гол ва 4 та голли узатмани амалга оширган.
