«Sosyedad» bosh murabbiyi Imanol Alguasil Pep Gvardiolani qo‘llab-quvvatladi.

Mavsum boshida «Manchester Siti» ustozi bir necha bor taqvimni tanqid qilgandi. Avvaliga u shunday dedi:

«Bu har yili yomonlashib boraveradi, bu qanday tugashini bilmayman. Futbolchilar charchagan, mavsum oldidan jarohat olishgan.

Biz allaqachon 110 daqiqa o‘ynayapmiz, Rojdestvoga qadar bizda 38 emas, 43 ta o‘yin bo‘ladi», – degandi Pep.

Shundan so‘ng ispaniyalik murabbiy ushbu fikrlarga o‘z izohini bildirdi. «Bu aniq. Gvardiola maydonlarning yomon ahvolini ham aytib o‘tdi. Biz ajoyib o‘yinlarni xohlaymiz, lekin buning uchun hech narsa qilmayapmiz», - dedi «Real Sosyedad» bosh murabbiyi Imanol Alguasil.