«Сосьедад» бош мураббийи Иманоль Альгуасиль Пеп Гвардиолани қўллаб-қувватлади.
Мавсум бошида «Манчестер Сити» устози бир неча бор тақвимни танқид қилганди. Аввалига у шундай деди:
«Бу ҳар йили ёмонлашиб бораверади, бу қандай тугашини билмайман. Футболчилар чарчаган, мавсум олдидан жароҳат олишган.
Биз аллақачон 110 дақиқа ўйнаяпмиз, Рождествога қадар бизда 38 эмас, 43 та ўйин бўлади», – деганди Пеп.
Шундан сўнг испаниялик мураббий ушбу фикрларга ўз изоҳини билдирди. «Бу аниқ. Гвардиола майдонларнинг ёмон аҳволини ҳам айтиб ўтди. Биз ажойиб ўйинларни хоҳлаймиз, лекин бунинг учун ҳеч нарса қилмаяпмиз», - деди «Реал Сосьедад» бош мураббийи Иманоль Альгуасиль.
