"Tottenxem" bosh murabbiyi Ange Postekoglu muxlislarning unga bo‘lgan munosabati haqida gapirdi.

Avstraliyalik mutaxassis joriy mavsum boshlanishidan oldin Shotlandiyaning “Seltik” jamoasidan ketib, “shporlar”ni qabul qilgan edi.

“Hozirgi bosqichda muxlislar meni qo‘llab-quvvatlayotganini his qilyapman, lekin men buni kutmagandim va bunday munosabatga loyiq emasman deb o‘ylayman. Muxlislar va klubdagi barcha odamlarga o‘z qadr-qimmatimni hali isbotlaganim yo‘q, lekin buni so‘z bilan emas, amalda qilishim kerak.

Umid qilamanki, odamlar biz qurayotgan narsaga haqiqatan ham ishonishadi, lekin biz har hafta to‘g‘ri yo‘lda ekanligimizni tasdiqlashimiz kerak”, dedi Postekoglu “Manchester Yunayted”ga qarshi o‘yin oldidan o‘tkazilgan matbuot anjumanida.