Mashhur insayder Fabrisio Romano Armando Broyaning "Chelsi"dan ketishi mumkinligi haqida ma’lumot berdi.
21 yoshli hujumchiga A Seriya klublari, jumladan, "Milan" qiziqish bildirmoqda, ammo "Chelsi" albaniyalik futbolchini rotasiyadagi muhim o‘yinchi sifatida ko‘rmoqda.
"Broyaning ketishi ehtimoli bor, lekin ko‘p narsa transfer oynasi yopilgunga qadar "Chelsi" boshqa hujumchi sotib olishiga bog‘liq. Armando jamoaga Nikolas Jeksonning o‘rinbosari sifatida kerak, ammo bu o‘ringa boshqa futbolchi kelsa, hammasi o‘zgarishi mumkin - u holda Broya ixtiyoriy yoki sotib olish majburiyati bilan ijaraga ketishi mumkin. Bu variantga "Milan" qiziqish bildirmoqda", - deydi Romano.
Transfermarkt ekspertlari Armando Broyaning narxini 28 million yevroga baholamoqda.













