Машҳур инсайдер Фабрицио Романо Армандо Броянинг "Челси"дан кетиши мумкинлиги ҳақида маълумот берди.
21 ёшли ҳужумчига А Серия клублари, жумладан, "Милан" қизиқиш билдирмоқда, аммо "Челси" албаниялик футболчини ротациядаги муҳим ўйинчи сифатида кўрмоқда.
"Броянинг кетиши эҳтимоли бор, лекин кўп нарса трансфер ойнаси ёпилгунга қадар "Челси" бошқа ҳужумчи сотиб олишига боғлиқ. Армандо жамоага Николас Жексоннинг ўринбосари сифатида керак, аммо бу ўринга бошқа футболчи келса, ҳаммаси ўзгариши мумкин - у ҳолда Броя ихтиёрий ёки сотиб олиш мажбурияти билан ижарага кетиши мумкин. Бу вариантга "Милан" қизиқиш билдирмоқда", - дейди Романо.
Transfermarkt экспертлари Армандо Броянинг нархини 28 миллион еврога баҳоламоқда.
