Londonning "Chelsi" klubi "Valyadolid"ning o‘ng qanot himoyachisi Ivan Fresnedaga qiziqish bildirmoqda.
"Barselona" 18 yoshli ispaniyalik futbolchiga anchadan beri qiziqish bildirib kelmoqda, biroq hozirgacha uning transferini amalga oshira olmadi va endi ular himoyaning o‘ng tomonini boshqa o‘yinchi - ijaraga olish arafasida turgan Joau Kanselu bilan kuchaytiradigan ko‘rinadi. Jurnalist Sergi Solening fikricha, ayni damda “Chelsi” istiqbolli lateral uchun kurashda eng yaxshi imkoniyatga ega.
Transfermarkt portali ekspertlari Ivan Fresnedaning narxini 15 million yevroga baholamoqda. O‘tgan oy Angliyaning "Bornmut" klubi futbolchini sotib olishga urinib ko‘rgandi.
