Лондоннинг "Челси" клуби "Вальядолид"нинг ўнг қанот ҳимоячиси Иван Фреснедага қизиқиш билдирмоқда.
"Барселона" 18 ёшли испаниялик футболчига анчадан бери қизиқиш билдириб келмоқда, бироқ ҳозиргача унинг трансферини амалга ошира олмади ва энди улар ҳимоянинг ўнг томонини бошқа ўйинчи - ижарага олиш арафасида турган Жоау Канселу билан кучайтирадиган кўринади. Журналист Серги Соленинг фикрича, айни дамда “Челси” истиқболли латерал учун курашда энг яхши имкониятга эга.
Transfermarkt портали экспертлари Иван Фреснеданинг нархини 15 миллион еврога баҳоламоқда. Ўтган ой Англиянинг "Борнмут" клуби футболчини сотиб олишга уриниб кўрганди.
