Argentina terma jamoasi va "Atlanta Yunayted" klubi yarim himoyachisi Tiago Almada faoliyatini Yevropada davom ettirishi mumkin.
90min nashri xabariga ko‘ra, futbolchining xizmatlariga Amsterdamning "Ayaks" klubi qiziqmoqda.
Amsterdaliklar Londonning “Vest Xem” klubi bilan shartnoma imzolashi mumkin bo‘lgan Muhammad Kudusga muqobil sifatida Janubiy Amerikalik futbolchining nomzodini ko‘rib chiqmoqda. "Atlanta" 22 yoshli futbolchini yaxshi pul taklif qilsa, sotishga tayyor.
Tiago joriy mavsumda 24 ta o‘yinda maydonga tushib, 9 ta gol urdi va 10 ta golli uzatmani amalga oshirdi. Uning klub bilan shartnomasi 2025 yilning oxirigacha tuzilgan va transfer narxi 27 million yevroga baholanmoqda.
