Yarim himoyachi Emil Smit-Rou yaqin kunlarda «Arsenal»ni tark etishi mumkin.
Jurnalist Jimmi Makkenining ijtimoiy tarmoqlarda yozishicha, «Brayton» 23 yoshli futbolchi uchun taklif bilan chiqqan.
Qayd etilishicha, taklif taxminan 30-42 million funt (35-49 million yevro) miqdorida bo‘ladi.
Smit-Rou «Arsenal» akademiyasi bitiruvchisi hisoblanadi. «Kanonirlar»ning asosiy jamoasida yarim himoyachi 97 ta o‘yin o‘tkazib, 18 ta gol urgan va sheriklariga 11 ta golli uzatmani amalga oshirgan.
Qo‘shimcha qilamizki, «Brayton» bu mavsumda Yevropa ligasida Angliya sharafini himoya qiladi.
