Ярим ҳимоячи Эмиль Смит-Роу яқин кунларда «Арсенал»ни тарк этиши мумкин.
Журналист Жимми Маккенининг ижтимоий тармоқларда ёзишича, «Брайтон» 23 ёшли футболчи учун таклиф билан чиққан.
Қайд этилишича, таклиф тахминан 30-42 миллион фунт (35-49 миллион евро) миқдорида бўлади.
Смит-Роу «Арсенал» академияси битирувчиси ҳисобланади. «Канонирлар»нинг асосий жамоасида ярим ҳимоячи 97 та ўйин ўтказиб, 18 та гол урган ва шерикларига 11 та голли узатмани амалга оширган.
Қўшимча қиламизки, «Брайтон» бу мавсумда Европа лигасида Англия шарафини ҳимоя қилади.
