"Inter Mayami" hujumchisi Lionel Messi yana "Oltin to‘p" uchun kurashadi.
Argentinalik futbolchi yil yakuniga ko‘ra nufuzli individual sovringa nomzod futbolchilar ro‘yxatidan joy oldi. 36 yoshli futbolchi uchun bu uning butun faoliyati davomida 16-bor da’vogarlar safidan joy olishi bo‘ldi. Yulduzli hujumchi 2006 yildan buyon deyarli har yili mukofotga doimiy nomzod bo‘lib kelgan, 2022 yil bundan mustasno.
Dekabr oyida Argentina terma jamoasi bilan jahon chempionatida g‘olib chiqqan Lionel Messining kolleksiyasida allaqachon yettita “Oltin to‘p” mavjud. Shu yilning yozida futbolchi parijliklarni Amerikaning “Inter Mayami” klubiga almashtirdi.