"Интер Майами" ҳужумчиси Лионель Месси яна "Олтин тўп" учун курашади.
Аргентиналик футболчи йил якунига кўра нуфузли индивидуал совринга номзод футболчилар рўйхатидан жой олди. 36 ёшли футболчи учун бу унинг бутун фаолияти давомида 16-бор даъвогарлар сафидан жой олиши бўлди. Юлдузли ҳужумчи 2006 йилдан буён деярли ҳар йили мукофотга доимий номзод бўлиб келган, 2022 йил бундан мустасно.
Декабрь ойида Аргентина терма жамоаси билан жаҳон чемпионатида ғолиб чиққан Лионель Мессининг коллекциясида аллақачон еттита “Олтин тўп” мавжуд. Шу йилнинг ёзида футболчи парижликларни Американинг “Интер Майами” клубига алмаштирди.