AQSH terma jamoasi bosh murabbiyi Gregg Berxalter O‘zbekistonga qarshi bo‘lib o‘tgan o‘rtoqlik uchrashuvi (3:0) borasida o‘z fikrlari bilan o‘rtoqlashdi.

"Mazkur o‘yindan saboq chiqarishimiz kerak. Biz o‘z o‘yinimizni mukammalashtirishimiz kerak.

Yigitlarning so‘nggi 10 daqiqadagi shijoati menga juda yoqdi. Futbolchilar o‘yin oxirida ham hujum qilishni istayotganlarini ko‘rdik. Demak, biz 1:0 hisobini ushlashga o‘ynamadik. Raqib 4 himoyachi bilan o‘ynashga o‘tganida, biz bo‘sh hududlarga ega bo‘la boshladik.

Bugungi o‘yin orqali boshqa mintaqa jamoasining qay darajada raqobat qila olishini bilib oldik. Bundan kerakli xulosalar chiqaramiz.

Ba’zi vaziyatlarda to‘pni O‘zbekistonga berib qo‘yib, o‘zimizni qiyin ahvolga solib qo‘ydik. Bu birinchidan.

Ikkinchidan, pozision hujum tashkil qilayotganimizda, bizga tezlik yetishmadi. Raqibning mudofaa chizig‘ini yorib o‘tganimizda esa o‘zimizni yaxshi his eta boshladik. Besh futbolchidan iborat himoyani yorib o‘tish hamisha qiyin bo‘ladi.

Bundan tashqari, to‘pni yo‘qotgan paytimizda himoyaga qaytishni yaxshilashimiz kerak. Shu kamchilik tufayli bugun O‘zbekiston juda ko‘p imkoniyat berib qo‘ydik", — dedi Berxalter.