АҚШ терма жамоаси бош мураббийи Грегг Берхалтер Ўзбекистонга қарши бўлиб ўтган ўртоқлик учрашуви (3:0) борасида ўз фикрлари билан ўртоқлашди.

"Мазкур ўйиндан сабоқ чиқаришимиз керак. Биз ўз ўйинимизни мукаммалаштиришимиз керак.

Йигитларнинг сўнгги 10 дақиқадаги шижоати менга жуда ёқди. Футболчилар ўйин охирида ҳам ҳужум қилишни истаётганларини кўрдик. Демак, биз 1:0 ҳисобини ушлашга ўйнамадик. Рақиб 4 ҳимоячи билан ўйнашга ўтганида, биз бўш ҳудудларга эга бўла бошладик.

Бугунги ўйин орқали бошқа минтақа жамоасининг қай даражада рақобат қила олишини билиб олдик. Бундан керакли хулосалар чиқарамиз.

Баъзи вазиятларда тўпни Ўзбекистонга бериб қўйиб, ўзимизни қийин аҳволга солиб қўйдик. Бу биринчидан.

Иккинчидан, позицион ҳужум ташкил қилаётганимизда, бизга тезлик етишмади. Рақибнинг мудофаа чизиғини ёриб ўтганимизда эса ўзимизни яхши ҳис эта бошладик. Беш футболчидан иборат ҳимояни ёриб ўтиш ҳамиша қийин бўлади.

Бундан ташқари, тўпни йўқотган пайтимизда ҳимояга қайтишни яхшилашимиз керак. Шу камчилик туфайли бугун Ўзбекистон жуда кўп имконият бериб қўйдик", — деди Берхалтер.