"Manchester Yunayted" APLdagi eng qimmat tarkibga ega jamoa bo‘ldi. Ayni damda Erik ten Xag ixtiyoridagi futbolchilarning umumiy qiymati 1 milliard funtga yaqindir. Shu bilan "qizil iblislar" futbolchilarga moash to‘lash masalasi va qimmat o‘yinchilar borasida birinchi o‘ringa chiqdi. Shunga qaramay, bu jamoa APLning 5 ta bahsidan 3 tasini boy berdi. Bu esa ko‘pchilikda savollar uyg‘otishi tabiiy.
"Chelsi" tarkib borasida "MYU"dan unchalik ham ortda emas. London klubi yozdagi yirik xaridlari bilan tarkib qiymatini 978 million funtga yetkazdi. Ammo o‘tgan mavsum kabi, yangisi ham Pochettino jamoasiga oson bo‘lmayapti. Amaldagi chempion bo‘lgan "Manchester Siti" esa uchinchi o‘rinda qayd etilgan. Gvardiola jamoasi deyarli 900 million funtga baholangan. "Shaharliklar" ko‘p pul va aql qorishmasi qanday natijalar keltirishini butun dunyoga namoyish etmoqda. Keyingi pog‘onalarda "Arsenal", "Tottenxem" va "Liverpul" joylashgan. Shunday qilib, doimiy top oltita jamoa eng qimmat tarkiblarga ega bo‘lib chiqadi.
"Nyukasl Yunayted" so‘nggi paytlarda gigantlarga har taraflama yaqin kelmoqda. Bu jamoani kuzatish ham qiziq bo‘ladi. Negaki, arablar pullari tez orada "qarg‘alar"ni yanada kuch olishiga yordam beradi. Garchand o‘yin bobida ajoyib darajaga ega bo‘lsa ham, "Brentford" va "Brayton" 16 va 17 o‘rinni egallab turibdi. Eng arzon tarkib esa kutilganidek "Luton Taun"ga tegishli. Bu klubning umumiy tarkibi "MYU"nikidan 20 martaga arzonroq.
1. "MYU" – 992 million funt
2. "Chelsi" – 978 million funt
3. "Manchester Siti" – 899 million funt
4. "Arsenal" – 721 million funt
5. "Tottenxem" – 715 million funt
6. "Liverpul" – 664 million funt
7. "Nyukasl" – 570 million funt
8. "Vest Xem Yunayted" – 435 million funt
9. Aston Villa" – 419 million funt
10. "Everton" – 360 million funt
11. Nottingem Forest" – 314 million funt
12. "Vulverxempton" – 313 million funt
13. "Bornmut" – 296 million funt
14. "Kristal Pelas" – 236 million funt
15. "Fulxem" – 211 million funt
16. "Brayton" – 194 million funt
17. "Brentford" – 188 million funt
18. "Byornli" – 180 million funt
19. "Sheffild Yunayted" – 128 million funt
20. "Luton Taun" – 50 million funt.
ISMATOV J.
