"Liverpul" o‘ng qanot himoyachisi Trent Aleksander-Arnold klub bilan yangi shartnoma imzolashga yaqin turibdi.
24 yoshli futbolchi "Aston Villa"ga qarshi o‘yinda olgan jarohati tufayli nomalum muddatga safdan chiqdi. Ayni paytda, Football Insider xabariga ko‘ra, "Liverpul" angliyalik futbolchi bilan mehnat shartnomasini uzaytirish borasida prinsipial kelishuvga erishgan. "Qizillar" bitiruvchisining amaldagi shartnomasi 2025 yilning o‘rtalariga qadar tuzilgan.
Trent Aleksander-Arnold joriy mavsumda Yurgen Klopp jamoasida to‘rtta o‘yinda qatnashib, bitta golli uzatmani amalga oshirdi. Umuman olganda, futbolchi “Liverpul” safida 277 ta o‘yinda maydonga tushib, 16 ta gol va 73 ta golli uzatmaga mualliflik qilgan.
