"Ливерпуль" ўнг қанот ҳимоячиси Трент Александер-Арнольд клуб билан янги шартнома имзолашга яқин турибди.
24 ёшли футболчи "Астон Вилла"га қарши ўйинда олган жароҳати туфайли номалум муддатга сафдан чиқди. Айни пайтда, Football Insider хабарига кўра, "Ливерпуль" англиялик футболчи билан меҳнат шартномасини узайтириш борасида принципиал келишувга эришган. "Қизиллар" битирувчисининг амалдаги шартномаси 2025 йилнинг ўрталарига қадар тузилган.
Трент Александер-Арнольд жорий мавсумда Юрген Клопп жамоасида тўртта ўйинда қатнашиб, битта голли узатмани амалга оширди. Умуман олганда, футболчи “Ливерпуль” сафида 277 та ўйинда майдонга тушиб, 16 та гол ва 73 та голли узатмага муаллифлик қилган.
