Kamerun terma jamoasining afsonaviy darvozaboni Jozef-Antuan Bell Rossiya terma jamoasiga qarshi o‘yin haqidagi fikrlari bilan o‘rtoqlashdi.

«Jamoalarimiz o‘rtasida o‘rtoqlik uchrashuvi bo‘lishini bilaman! Bu Kamerun terma jamoasi uchun o‘z kuchini sinab ko‘rish, o‘z qit’asidan tashqarida saviyali o‘yin o‘tkazish uchun yaxshi imkoniyatdir.

Menimcha, bu jamoamiz uchun faqat foydali bo‘ladi. Lekin Rossiya terma jamoasining saviyasi haqida hech narsa bilmayman. Men ularni oxirgi marta 2018 yilda Rossiyada bo‘lib o‘tgan jahon chempionati vaqtida ko‘rganman», dedi Bell.

Eslatib o‘tamiz, 19 sentyabr kuni Rossiya terma jamoasi 12 oktyabr kuni Moskvadagi VTB Arenada Kamerun terma jamoasi bilan o‘rtoqlik o‘yini o‘tkazishi haqida ma’lumot paydo bo‘lgandi.