Камерун терма жамоасининг афсонавий дарвозабони Жозеф-Антуан Белл Россия терма жамоасига қарши ўйин ҳақидаги фикрлари билан ўртоқлашди.
«Жамоаларимиз ўртасида ўртоқлик учрашуви бўлишини биламан! Бу Камерун терма жамоаси учун ўз кучини синаб кўриш, ўз қитъасидан ташқарида савияли ўйин ўтказиш учун яхши имкониятдир.
Менимча, бу жамоамиз учун фақат фойдали бўлади. Лекин Россия терма жамоасининг савияси ҳақида ҳеч нарса билмайман. Мен уларни охирги марта 2018 йилда Россияда бўлиб ўтган жаҳон чемпионати вақтида кўрганман», деди Белл.
Эслатиб ўтамиз, 19 сентябрь куни Россия терма жамоаси 12 октябрь куни Москвадаги ВТБ Аренада Камерун терма жамоаси билан ўртоқлик ўйини ўтказиши ҳақида маълумот пайдо бўлганди.
