Osiyo o‘yinlarining bugungi kuni O‘zbekiston terma jamoasi uchun muvaffaqiyatli boshlandi.

Akademik eshkak eshish bo‘yicha ayollar o‘rtasida kechgan yakkalik dasturida hamyurtimiz Anna Prakaten delegasiyamizga ikkinchi oltin medalni taqdim qildi. Kumush va bronza medallari esa Xitoy hamda Yaponiya vakillariga nasib etdi.

Prakaten ta’qibchilarini 10 soniyadan ko‘proqqa ortda qoldirishga muvaffaq bo‘ldi. O‘zbekistonning Osiyo O‘yinlaridagi oltin medallari 2 taga yetdi va delegasiyamiz medallar jadvalida 4-o‘ringa ko‘tarilib oldi.