"Inter" bosh murabbiyi Simone Indzagi jamoa hujumchisi Lautaro Martinesning "Salernitana" bilan o‘yindagi pokeri haqida gapirdi.
Italiya chempionati 7-turidan o‘rin olgan uchrashuv 4:0 hisobida milanliklar foydasiga hal bo‘ldi. Martines ikkinchi bo‘limda zaxiradan maydonga tushdi va 27 daqiqa ichida to‘rtta gol urdi.
“Lautaro hech qachon ortga chekinmaydi, u doim maydonda borini beradi. U to‘rtta gol urdi, ammo bunda jamoa unga yordam bergani muhim. U sardor, o‘zini bu yerda yetakchidek his qilmoqda", - deya murabbiyning so‘zlarini keltiradi taniqli jurnalist Alfredo Pedulla.
Joriy mavsumda 26 yoshli Martines barcha turnirlarda sakkizta o‘yin o‘tkazib, o‘nta gol urdi va ikkita golli uzatmani amalga oshirdi.
