"Napoli" bosh murabbiyi Rudi Garsiya yarim himoyachi Xvicha Kvarasxeliya haqida bir necha so‘z aytdi.
E’tibor bering, so‘nggi uchta o‘yinda Xvicha bitta gol urdi va uchta golli uzatmani amalga oshirdi. Bungacha to‘rtta o‘yinda gruziyalik yarim himoyachi samarali natija ko‘rsata olmagandi.
“Kvara mavsum boshida juda xavotir bilan o‘ynagandi. U juda ko‘p vaqt davomida gol urishga urindi, lekin harakatlar samara bermadi. Hozir u o‘zini bosib olgach, gollar unga qaytdi", - dedi Garsiya.
"Napoli" navbatdagi o‘yinini 3 oktyabr kuni - Chempionlar ligasi guruh bosqichi 2-turida "Real"ga qarshi o‘tkazadi.
