Osiyo O‘yinlarining baydarka va kanoeda eshkak eshish sektorida bugungi dasturdan o‘rin olgan 6 ta final bahslari o‘tkazildi.

Ayollar o‘rtasida baydarka bo‘yicha 500 metrga to‘rtliklar finalida O‘zbekiston delegasiyasi (Mavlonova, Tanatmisheva, Shubina, Borzova) marraga uchinchi bo‘lib keldi. Koreyalik sportchilar so‘nggi metrlarda vatandoshlarimizdan o‘tib ketishdi. G‘oliblik Xitoyga nasib etdi.

Ayollar o‘rtasida kanoe bo‘yicha juftlik bahsida O‘zbekiston terma jamoasi a’zolari — Shohsanam Sherzodova va Nilufar Zokirova marrani uchinchi bo‘lib kesib o‘tishdi. Hamyurtlarimiz Qozog‘iston vakillaridan biroz ortda qolishdi. G‘alaba esa Xitoyga nasib etdi.

Shu tariqa, O‘zbekiston delegasiyasi hisobidagi medallar soni 47 taga yetdi — 13 oltin, 14 kumush va 20 bronza. Medallar jadvalida Hindistondan keyin 5-o‘rinda boryapmiz.