«Real» bosh murabbiyi Karlo Anchelotti xorvatiyalik yarim himoyachi Luka Modrichning joriy mavsumdagi kam o‘yin amaliyoti olayotgani haqida gapirdi.

«Bizda va Lukada hech qanday muammo yo‘q. Har bir inson bir-biri bilan yaxshi munosabatlarga ega. U ba’zi o‘yinlarda maydonga tushmadi, lekin bu o‘zgarishi mumkin. Ba’zi janglarda Modrich zaxirada qoladi, boshqasida esa Tchuameni, Kroos yoki Kamavinga bilan bo‘lishi mumkin», - dedi italiyalik mutaxassis.

Modrich madridliklar safida 2012 yilning yozidan beri o‘ynab kelmoqda. U Londonning «Tottenxem» klubidan «Santyago Bernabeu»ga ko‘chib o‘tgandi. O‘shandan beri Luka «Los Blankos» tarkibida 495 ta o‘yin o‘tkazib, 37 ta gol urdi va 77 ta golli uzatmani amalga oshirdi.