«Реал» бош мураббийи Карло Анчелотти хорватиялик ярим ҳимоячи Лука Модричнинг жорий мавсумдаги кам ўйин амалиёти олаётгани ҳақида гапирди.

«Бизда ва Лукада ҳеч қандай муаммо йўқ. Ҳар бир инсон бир-бири билан яхши муносабатларга эга. У баъзи ўйинларда майдонга тушмади, лекин бу ўзгариши мумкин. Баъзи жангларда Модрич захирада қолади, бошқасида эса Тчуамени, Кроос ёки Камавинга билан бўлиши мумкин», - деди италиялик мутахассис.

Модрич мадридликлар сафида 2012 йилнинг ёзидан бери ўйнаб келмоқда. У Лондоннинг «Тоттенхэм» клубидан «Сантьяго Бернабеу»га кўчиб ўтганди. Ўшандан бери Лука «Лос Бланкос» таркибида 495 та ўйин ўтказиб, 37 та гол урди ва 77 та голли узатмани амалга оширди.