Butunjahon boks kengashi prezidenti (WBC) Maurisio Sulaymon og‘ir vazn toifasidagi Tayson Fyuri va WBA, WBO, IBF yo‘nalishlari bo‘yicha jahon chempioni Aleksandr Usik o‘rtasidagi bo‘lajak jang haqida fikr bildirdi.

«WBC uchun Fyuri-Usik jangi alohida ahamiyatga ega, chunki biz og‘ir vaznda mutlaq jahon chempioni maqomi uchun duel tashkil etilishini to‘liq qo‘llab-quvvatlaymiz, biz buni avvalgi barcha yillarda qilganmiz.

Har narsaga moslashuvchan edik va tashkilotga hech narsa xalaqit bermasligiga ishonch hosil qildik.

Bu jang albatta barchamizning xotiramizda uzoq yillar saqlanib qoladi. Biz bu haqda «Maniladagi triller» yoki «Junglidagi shovqin» sifatida gaplashamiz.

Bu boks tarixidagi eng ajoyib jang bo‘ladi. Bu jang g‘olibi boks olamining eng yuqori pog‘onasida bo‘ladi», — dedi Sulaymon Luckypunch.net saytiga bergan intervyusida.

Eslatib o‘tamiz, avvalroq Fyuri va Usik Saudiya Arabistonida jang o‘tkazish uchun shartnoma imzolagani ma’lum bo‘lgandi.