Londonning “Arsenal” klubi himoyachisi Aleksandr Zinchenko Angliya terma jamoasining sobiq hujumchisi Maykl Ouenning unga nisbatan bildirgan tanqidlari haqida gapirdi. Mutaxassis ukrainalik futbolchining Chempionlar ligasi doirasidagi "Lans"ga qarshi o‘yindagi (1:2) o‘yinidan norozi bo‘lgandi.
“Ijtimoiy tarmoqlardagi izohlarni o‘qimayman. Har bir fikrga munosabat bildirsam, yaqinlarimga vaqtim qolmaydi. Mening murabbiyim va jamoadoshlarim bor, ularni tinglayman. Agar omadsiz o‘yin o‘tkazsam, bu haqda maydonning o‘zida bilaman", - dedi ukrainalik futbolchi.
Angliya Premyer-ligasining joriy sonida Zinchenko yettita o‘yin o‘tkazib, 1 ta gol urgan.
